Boris Liješević rođen je u Beogradu 1976. godine. 2004. godine diplomirao je režiju na Akademiji umetnosti u Novom Sadu, gdje radi kao asistent na Katedri za intermedijalnu režiju. Prema riječima Liješevića vrijeme Evgenija Onjegina tek dolazi.



“Evgenije Onjegin je praroditelj današnjih generacija koje svoju slobodu nose visoko, doživljavaju je kao identitet, pa i smisao života. A da li je uopšte poznaju? Ljubav, prijateljstvo i svaku vrijednost će žrtvovati zarad te primamljive iluzije iza koje se često kriju hladnoća i praznina – poroci Puškinovog, ali mnogo više našeg vremena. Dolaze kao simpatična i prolazna moda, ali brzo pokazuju zastrašujuće naličje jer za sobom ostavljaju pustoš, uništene Ljubavi, ideale, snove, veze i propuštene šanse", kazao je Liješević.



U predstavi igraju Peđa Marjanović, Kristina Savkov, Danilo Milovanović, Mia Radovanović, Ivan Đurić. Jelica Gligorin, Vera Hrćan Ostojić, Slobodan Ninković, Saša Latinović, Neda Danilović,
Dragan Zorić.