Rođen 1947. godine u Podgorici. Završio srednju umjetničku školu u Herceg Novom 1966. godine. Akademiju za likovne umjetnosti u Beogradu završio 1971. godine, a postdiplomske studije na istoj akademiji 1973. godine. Redovni profesor na Državnom univerzitetu u Novom Pazaru za predmete crtanja i slikanja. Od 2005. godine je gostujući profesor na The Animation Workshop School u Viborgu, u Danskoj. Šef departmana za likovnu umjetnost na Državnom univerzitetu Novi Pazar. Već 30 godina stvara u ateljeu na Adi Ciganliji u u tom periodu je imao 55 samostalnih a učestvovao na preko 350 kolektivnih izložbi. Dobitnik je brojnih nagrada i priznanja.

“Kemalu Ramujkiću, ustvari njegovom djelu, sam bježao kad mi je bilo teško, kad mi je bilo zlo… Gdje je ta velika tajna Kemala Ramujkića? Ovo je vrijeme koje se stidi emocija. A Kemal Ramujkić se ne stidi emocija. Ovo je vrijeme koje se stidi ljepote. A Kemal Ramujkić se ne stidi ljepote”
Nikola Kusovac, istoričar umjetnosti

“Slikarski motiv kuća ističe svu ljepotu osvjetljenja, obojenosti i oblika pitoresknih crnogorskih kuća, sa kamenim fasadama, izraženog kolorizma, mediteranske svjetlosti. Kemal Ramujkić je slikar atmosfere mediteranskog podneblja Crne Gore koju ostvaruje kolorističkom harmonijom, jarke palete plavih, zelenih, ružičastih, crvenih i oker tonova. Mediteranske kuće sa čempresima i bršljanom po zidovima otkrivaju nam poetični doživljaj prirode, upečatljiv slikarski senzibilitet i prefinjen slikarski izraz atmosfere svjetla i boje.”
Slobodan Jovanović