Foto: PrintScreen/RTB, yt

Novi album, jednostavnog naziva “Album”, koji je zapravo jubilej, 40 godina rada, saradnje i ljubavi sa bivšim suprugom Romeom, je, kako objašnjava, naziv dobio kao svojevrsni omaž istima, jer ćemo ih sve manje sretati kao takve.

“Za sav ovaj put koji sam do sad prošla, zahvaljujući mnogim ljudima koji su bili pored mene, osjećam uvijek duboku zahvalnost i blagoslovena sam. Živimo u vremenu kada se ljudi boje emocije i zagrljaja, lijepe riječi, a nekada je to bilo spontano i prirodno. I trudim se da upravo to prenesem ljudima, što kroz pjesmu, izražaj i riječ, što kroz poruke koje šaljem u pjesmama. A takav je i ovaj album, koji smo stvorili kako bismo Romeo i ja proslavili ovu četrdesetogodišnju saradnju, taj naš jubilej, i mogu reći da smo još uvijek vječita djeca koja se ganjaju po studiju, polemišu i stvaraju”, ističe ona.

“Bila bih jako srećna da se uskoro dogodi koncert u Budvi jer jako volim ovu zemlju, ovaj narod, i znam oni vole mene. I imam osjećaj pripadnosti, jer mi je pradjed bio iz Crne Gore i imam potpuno pravo osjećati se vašom i vi mojima”, dodaje Kaliopi.

Ono što je ne mijenja, i recept za vječitu plemenitost duše je, kako kaže, ljubav prema ljudima i prema svemu što radi.

“Ljubav prema svemu što radim, gdje se krećem i naravno prema svom životu i veliko poštovanje prema tuđim životima, i tamo gdje nešto nije baš najsvjetlije, vjerujem da postoji razlog za tu tamu, koji uvijek tražim”, zaključila je Kaliopi.


Video: RTB, yt